Jóhann Svavar Bl. Þorgeirsson

Miðbærinn er eins og við vitum hjarta Reykjavíkur. Þetta er hlutur sem á sinn stað í hjörtum okkar allra og hver einasti ferðamaður sem til Íslands kemur, fer niður í miðbæ. Miðbærinn er eitthvað sem við viljum hafa fallegt, snyrtilegt og stað sem skemmtilegt er að koma á. Væri ekki ágætt að setja þarna upp aðeins nýlegri byggingar og glæsilegri stíl. Ég er ekki að tala um nein háhýsi sem passa að sjálfsögður engan veginn á þennan stað, heldur falleg ný hús sem vekja athygli og öllum finnst mikið til koma. Það er einhvern veginn eins og það megi aldrei gera neitt nýtt á Íslandi án þess að allt verði vitlaust. Munið þið þegar Perlan var byggð? Þá ætlaði allt um koll að keyra. Í dag er Perlan mjög vinsæll staður og prýði fyrir Reykjavík. Ráðhúsið, ekki mátti byggja það. Eru margir á móti ráðhúsinu í dag? Ég held að flestir séu ánægðir með það. Ég veit og skil að það er tilfinningamál fyrir marga að hafa þessi gömlu hús áfram eins og þau voru, en við getum ekki eingöngu hugsað um það. Við verðum að leyfa smá þróun að halda áfram og fegra miðbæinn enn frekar. Nú eru þessi hús brunnin og það sem eftir er af þeim mætti flytja annað og lífga upp á. Held það sé kominn tími á að skipta út fyrir eitthvað nýrra.

	Samvinnu leitað við eigendur um að götumynd verði endurbyggð
Ábyrgðarmaður færslu Tilkynna um óviðeigandi tengingu við frétt